LGS Groussbus

Informatioun:

Nei Telefonsnummer fir den Kontakt mat dem Grupp:

691 20 99 62

Mat dësem Message freeën mir eis, iech matdeelen ze kënnen, dass gëschter den Owend spéit eng vun eisen Cheftainen Mamm ginn ass.

Domat wëllen mir den frësch gebakenen Elteren vun ganzem Häerzen gratuléieren. Mir wënschen hinnen an natierlech och dem neien Äerdebierger, dem Elvis alles Guddes. Mir wënschen vill Freed zesummen, dem Elvis ganz besonnesch een schéint an laangt souwéi een erfëllten Liewen. Him eng gutt Gesondheet an vill Verständnes an Léift am Kader vun senger Familljen.

Mir freeën eis mat fir eist Conny an säin Patrick. Genéisst dës éischt Momenter zesummen mat ärem Klengen – well si wuessen méi séier ewéi een kucken kann Genéisst se – an drot se ëmmer bei iech.

Elvis – dir wënschen mir eng gutt Gesondheet an een séchert Liewen. Dass Du, grad wéi all Kanner op dëser Welt, ni brauchs esou béis Biller wéi déi momentan aus Afghanistan brauchs ze gesinn, ze erliewen.

D’Scouten vun Groussbus wënschen Dir een flott Liewen innerhalb vun Dénger Meute an eng gutt Route.

Den neien Mot d'ordre vun den Lëtzebuerger Guiden a Scoute

Maach mat!!!

https://youtu.be/9OTHU53r5ks

Komm mat! Dat ass de neie Mot d’ordre vun de Lëtzebuerger Guiden an Scouten fir d’Joren 2020-2023. E Mot d’ordre soll en Thema sinn ënnert deem mir eis all zesumme kënne weider entwéckelen a jiddereen eenzel u sengem Fortschrett ka schafffen. Et soll awer och en Thema sinn ënnert deem mir Spaass hun an Neies erliewen.

E Mot d’ordre leeft iwwer 3 Joer an ass eng Opfuederung fir jiddereen, souwuel Membere wei aner Interesséierter, aktiv bei de Lëtzebuerger Guiden a Scouten matzemaachen. All Joer soll ee vun de wichtegen Themen vum Guidissem a Scoutissem méi an de Fokus geréckelt ginn an et sou de Guiden a Scouten erméiglechen iwwert déi ganz Zait un hirem perséinleche Fortschrëtt ze schaffen.

Am 1. Joer konzentréieren mir eis op eist Ëmfeld an eis Ëmwelt. Mir entdecken dobaussen eis Natur an besonnesch d’Abenteuer an d’Spiritualitéit si wichteg bei all eisen Aktivitéiten.

Am 2. Joer gi mir méi wäit a stellen d’Internationalitéit an d’Diversitéit an de Mëttelpunkt. D’Wäerter vun eisem Zesummeliewen an enger Gesellschaft mat ganz verschiddene Kulture ginn an d’Vitrinn gestallt. Mir kënnen dës Wäerter natierlech op internationale Campen am Ausland erliewen mee och hei am Land duerch d’Kenneléiere vun alle méigleche Gebräicher.

Am 3. Joer erliewe mir de Guidissem a Scoutissem am Kontext vun eiser Gesellschaft. Mir setzen ons an fir all eis Matmënschen. Dat Joer ginn dofir d’Participatioun an d’BA (Bonne Action) grouss geschriwwen.

Versammlungen an

allgemeng Informatiounen

Biber:

6 Joer bis 8 Joer

Versammlungen:

Samschdes vun 14h00 bis 16h.

Wëllefcher:

8 Joer bis 11 Joer

Versammlungen:

Samschdes vun 14h00 bis 16h.

AvEx:

11 Joer bis 14 Joer