Mir wëllen de Kanner d’Liewen am Grupp, de Respekt fir deen anneren an fir Natur méi nobréngen. Kanner sollen hir eegen Talenter entdecken an dëst mat verschiddene Materialien. Duerch d’Spiller an der Natur kënnen Kanner sech op eng aktiv an experimentell Manéier mat hirem Ëmfeld an hierer Emwelt auserneesetzen.

Entdecken, fuerschen, léieren, Frëndschaften schléissen, …. Mir maachen Interessant Aktivitéiten an ginn zesummen op Sortien. Nach mei kuerz a knackeg gesoht, d’Kanner léieren ganz elementar Wäerter kennen: Solidaritéit, Verantwortung, Hëllefsbereetschaft, Matgefill, Geschécklechkeet, a.s.w. auserneesetzen.

Hei léieren si Selbstännegkeet an Verantwortung. Déi Jugendlech ginn ëmmer méi an d’Organisatioun an d’Ausféeierung vun den Aktivitéiten agebonnen, getrei dem Motto vum Baden Powell „ Ask the Boy/Girl “
Och de Prinzip vum „ learning by doing “ gëtt an den AvEx groussgeschriwwen, well een doduerch ëmmer rëm nei Saachen léiert an iwwert sech rauswuesse kann.

Ganz vill Wäert leeë mir op Matbestëmmung bei der Virbereedung wie och beim Durerchzéie vun Aktivitéiten.
D‘Matverantwortung an den Engagement ginn grouss geschriwwen

D’Ziler vun de RaRo orientéiere sech un de Besoinen vun de Jonken Erwuessenen. Déi jonk Erwuessen sollen lues duerch Aktioune bewosst un hirem Erwuessesin an Engagement schaffen. Si setzen sech Ziler a Reegelen an léieren zesumme Decisiounen huelen a schaffen.

Du hues Loscht bei den Scouten aktiv mat ze maachen? Eis Ziler sinn d’Engagement zesumme mat Frënn weiderféieren, Guidissem a Scoutissem ze liewen an Aktiounen ze ënnerhuelen, déi anere Mënschen, der Ëmwelt, dem Verband, dem Grupp,… notzen.

Eis Mataarbechter sinn e wichtegen Deel vun eisem Grupp, si bestinn aus Elteren, aalen Scouten an awer och Fräiwëllegen.

Sie hëllefen eis dann wann mir Hëllef oder en Rot brauchen wie z.Bsp. bei enger Aktivitéit. Dëst ëmmer sou wéi en Zäit, Loscht an Freet drun huet.

Mir leeën vill wäert ob hier Meenungen sou dass si aktiv mat schwätzen an bei der Emsetzung vun Projet’en dobäi sinn.